Qoraqalpog'iston Respublikasi Beruniy tumani hokimligi

Xotin-qizlarning bandligini ta'minlash, ularning daromad topishiga ko'maklashish, ijtimoiy ahvolini yanada yaxshilashga qaratilgan amaliy ishlar natijasida mahallalarda ayollar tadbirkorligi yanada ko'paymoqda. Beruniy tumani Shimom ovul fuqarolar yig'ini hududida 3.900 nafar xotin-qizlar istiqomat qiladi. 6-bosqich “Ayollar daftari” ga hududdan 180 nafar xotin-qizlar kiritilgan. Ularning tadbirkorlik faoliyati bilan shug'ullanishiga mahalla tomonidan bir qancha amaliy yordamlar berildi. Hususan Aziza Ermanova uch nafar farzandning onasi. Uyida tikuvchilik bilan shug'ullanadi. Eski tikuv mashinada ish unumdorligiga erishmagach, mahalladan yangi tikuv mashinasi olishda yordam so'raydi. Ssuda asosida yangi, zamonaviy tikuv mashinasi hamda imtiyozli 5 mln so'm kredit berilib, tikuvchilik hunarini boshlashiga yordam beriladi. Natijada to'y-hashamlar uchun buyurtma asosida ko'rpa, ko'rpacha, yostiqlar tikib, ish faoliyatini kengaytiradi. Ishsiz ayollarga o'z hunarini o'rgatib, uy sharoitida bichish-tikishni kengaytiradi. Oyiga 3-4 mln so'm daromad topib, oila farovonligiga o'z hissasini qo'shib kelmoqda.

“Ayollar daftari” ga ro'yxatga olingan Ulbosin Nurullaevaga imtiyozli davr bilan 33 mln so'mlik kredit berilgan. Non yopish uchun kerakli anjomlar xarid qilib, o'z ishini boshlagan. Hozirda xalqimizning yaxshi kunlarida non yopib, xizmat qilib keladi. 2 ta yangi ish o'rni yaratgan. Faoliyatini kengaytirib milliy shirinliklar savdosini ham yo'lga qo'yishni reja qilgan. Kuniga 150-200 ta non yopib, ichki bozor va do'konlarda sotishni boshlab yuborgan. Har kunlik iste'moldagi non mahsulotining savdosidan oyiga 10 mln so'mdan ortiq daromad qilsa bo'lar ekan. Faqatgina buning sir-asrorini o'rganib, mehnatidan qochmaslik kerak deydi tadbirkorimiz. Hurmatli Prezidentimizning xotin-qizlar faoliyatini yanada samarali tashkil etish borasida qabul qilayotgan farmon va qarorlari har bir mahallada tadbirkor ayollarning o'z ishini boshlashiga, nafaqat oila farovonligini ta'minlashga balki, hududlar rivojiga ham o'zining ijobiy ta'sirini ko'rsatishi bilan ahamiyatli bo'ldi. Har sohada faol ayollarimizning shijoati esa o'rnak bo'lsa arzigulik desak ayni haqiqatni aytgan bo'lamiz.