Jizzax viloyati Arnasoy tumani hokimligi

Chinobodda tuman hokimining sayyor qabuli qanday o‘tdi?

Mulohazali rahbar o‘z joyida o‘tirib emas, xalq orasiga kirib ish yuritadi. Bugungi kunda xalq bilan yuzma-yuz muloqot qilish, dardini eshitish va echim topish – zamon talabiga aylangan. Ana shunday yuksak mas’uliyat va xalq ishonchi talab etadigan vazifa Arnasoy tumani rahbariyatining kun tartibida doimiy ustuvor ahamiyat kasb etmoqda.

Bugun Arnasoy tumani hokimi Odil Musanov boshchiligidagi ishchi guruh Chinobod mahallasiga yuzlandi. Odamlar to‘plandi, savollar berildi, muammolar ochiq-oydin aytildi. Bu oddiy uchrashuv emas – bu xalq va hokimiyatning yuzma-yuz suhbat edi.

Qabul davomida mahallaning turli qatlam vakillari 10 ta masala yuzasidan murojaat bilan chiqdi. Kimnidir uy-joy kadastr masalasi o‘ylantirar, kimdir oqova suv ta’minotidan norozi. Bir qarashda mayda tuyulgan muammolar, aslida fuqarolar hayotida hal qiluvchi ahamiyatga ega.

Ahamiyatlisi, ko‘plab masalalar aynan shu qabulning o‘zida echim topdi. Vaqt va mablag‘ talab etuvchi murojaatlar esa mas’ullar nazoratiga olinib, amaliy rejalar shakliga keltirildi.

Bunday sayyor qabullar xalq bilan davlat o‘rtasidagi ko‘prikni mustahkamlaydi. Suhbat, ishonch va echim – aynan mana shu ruhda o‘tgan qabul Chinobod ahli qalbida umid uyg‘otdi.

Hokimiyat devor ortida emas, xalq ichida bo‘lsa – muammolar ham yengilroq hal etiladi. Chinobodda ana shunday jarayonning guvohi bo‘ldik.

Arnasoy tumani hokimligi Axborot xizmati