Arnasoylik pensionerlar Qashqadaryoga ziyorat qilishdi
2025-03-15 10:45:00 / Jamiyat
Qashqadaryo o‘zining qadimiy obidalari, muqaddas ziyoratgohlari, xushmanzara tabiati, betakror qadriyat va an’analari bilan jahon sayyohlarini o‘ziga rom etib kelmoqda.
Shu bois, O‘zbekiston pensionerlar uyushmasi Arnasoy tumani kengashi raisi Yulduz G‘aniyeva tashabbusi bilan Arnasoylik bir guruh pensionerlar Qashqadaryo viloyati Shahrisabz shahriga ziyorat qilishdi.
Shahrisabzning tarixiy markazida qadimgi shaharga tegishli turli xil me’morchilik yodgorliklari shahar tarixining dalili sifatida saqlanib qolgan. Ular orasida Oqsaroq va Ko‘k Gumbaz masjidini ajratib ko‘rsatish mumkin.
Ziyorat jarayonida ko‘hna Shahrisabzdagi Oqsaroy va Ko‘k Gumbaz muqaddas qadamjolar o‘tmish ajdodlarimiz tarixi va taqdirida alohida o‘rin tutganligining guvohi bo‘lishdi.
Arnasoylik pensionerlarimiz ushbu sayohat davomida taraqqiy etayotgan yurtimiz tinchligiga shukronalar qilishdi va ko‘tarinki kayfiyat hamda ulkan taassurotlar bilan qaytishdi.