Jizzax viloyati Arnasoy tumani hokimligi

2026-yil hosili uchun yetishtirilgan paxta dalalaringizda yil davomida olib borilgan agrotexnik tadbirlar jumladan, o‘zingizning tajribangiz hamda qishloq xo‘jaligi xodimlarining va Fermerlar kengashining murojaatnomalari va tavsiyalari natijasida dalangizda katta paxta xirmoni uchun yetarli hosil yaratgansiz.

O‘zbekiston fermerlari kengashi rayosat a’zolari Sizni paxtani qisqa muddatlarda sifatli va to‘liq yig‘ib olish uchun barcha imkoniyatlarni safarbar etishga chaqiradi.

Bugungi kunda tumanimizda 31 ta paxta terish mashinasini terimga tushirishi hamda fermer xo‘jaliklarining faqat o‘z ishchilarini terishga jalb qilishi natijasida 22 tadan ziyod fermer xo‘jaliklari paxtadan 65-70 sentnerdan hosil ko‘tarib, o‘z majburiyati va mas’uliyatini uddaladi. Jumladan, “Minishkorda yangi davr”, “Azizbek G‘ururi”, “Bo‘ston karchalonlari”  fermer xo‘jaliklari 65 sentnerdan ziyod hosil oldi.  

Prezidentimiz tomonidan Siz fermerlarga 2026-yilda paxtani yetishtirish, uni sifatli terib olish  va mavsumni uyushqoqlik bilan tashkil etish uchun Farmon va qarorlar bilan ko‘plab imtiyozlar berilgan.

2026-yil 28-sentyabrdagi PQ-354-sonli qarorga muvofiq 2026-yil hosilini birja savdolari orqali sotgan barcha paxta yetishtiruvchi subyektlarga tonnasiga 500 ming so‘mdan  subsidiya ajratiladi;

2026-yil 12-sentyabrdagi PQ-326-sonli qarorga muvofiq dizel yoqilg‘isini xarid qilish bilan bog‘liq xarajatlarni qisman qoplash uchun 2026-yil 1-iyuldan boshlab 2026-yil 1-dekabrga qadar fermer xo‘jaliklariga tovar-xomashyo birjalaridagi savdolar orqali xarid qilinadigan har bir tonna dizel yoqilg‘isi qiymatining 15 million so‘mdan oshgan qismi uchun, biroq 2 million so‘mdan ko‘p bo‘lmagan miqdorda  davlat tomonidan subsidiya beriladi;

Shuningdek, Prezidentimizning 2026-yil 8-maydagi PF-82-sonli Farmoni bilan paxta xomashyosini yetishtirishga ajratilgan imtiyozli kreditlarni shartnomada belgilangan muddatda qaytargan xo‘jaliklarga ushbu kreditlar bo‘yicha to‘langan foiz to‘lovining 2,5 foizi, hosil yilining yakuniga (tegishli yilning 31-dekabriga) qadar qaytargan xo‘jaliklarga ushbu kreditlar bo‘yicha to‘langan foiz to‘lovlarining

5 foizi qaytarib beriladi;

Fermer xo‘jaligi o‘z mablag‘lari hamda tijorat banklari kreditlari hisobidan yetishtirilgan paxta xomashyosini birjada sotganda rasmiylashtirilgan elektron hisobvaraq-faktura qiymatining 10 foizi miqdorida subsidiya mablag‘lari ajratiladi.

Hurmatli fermer xo‘jaligi rahbari.

 Prezidentimiz tomonidan yaratilib berilayotgan imkoniyatlardan keng foydalanib, paxta terish ishlarini to‘g‘ri tashkil etishga Sizni da’vat etamiz.

Bu borada Olot tuman fermerlari kengashi Rayosat a’zolari bilan birgalikda o‘zining beminnat yordamini ayamaydi.

Sizdan, kuzning har bir kuni g‘animat ekanligini his qilib,  paxtangizni qisqa muddatlarda yig‘ishtirib olishingizni so‘raymiz. Buning uchun fermer xo‘jaligi a’zolari va ishchilarini terim ishlariga jalb etib, munosib rag‘batlantirib, kichik konturlar va mashinada paxta terishga sharoit yaratish uchun paxta maydonlari chetlarini terishni tashkil eting, mashina terimiga moslab paxta dalalarini terimga tayyorlang, tezroq, sifatli qilib terib olishga chaqiramiz. Terimga jalb etilgan ishchilar va terim mashinalari uchun o‘z vaqtida hisob-kitobni amalga oshiring.

Shuni esda tuting, paxtasi bor, terimga tayyor paxta dalalaringizni aslo sug‘ormang. Paxta yig‘im terimiga jalb etilgan ishchilaringizni mehnat qonunchiligi va mehnat muhofazasi talablariga rioya etishini ta’minlang, majburiy mehnatga aslo yo‘l qo‘ymang.

Paxta qabul qilish maskanlarida paxta xomashyosini qabul qilish jarayonida noxolis munosabat bo‘lganda, asossiz chegirmalar qo‘llanilganda, Kengashning biriktirilgan mutaxassislariga murojaat eting va ishonchli tarzda ko‘mak oling.

Bu borada fermerlar kengashi qishloq xo‘jaligi bo‘limi va agroinspeksiya bilan birgalikda Sizning manfaatingizni himoya qilish choralarini ko‘radi.

Qadrli fermerlar, paxtangizni o‘z vaqtida va sifatli terib olib, Prezidentimiz tomonidan fermerlarga yaratib berilgan imtiyozlardan foydalaning va daromadingizni ko‘paytiring!

Arnasoy tumani Fermerlar Kengashi Rayosati  a’zolari