Kuz-qish mavsumiga tayyorgarlik o‘rganildi
2025-12-23 18:00:00 / Yangiliklar
Arnasoy tumani hokimi Odil Musanov hamda tuman prokurori Ikrom Begashev tumandagi ijtimoiy soha obyektlarining kuz-qish mavsumiga tayyorgarlik holatini o‘rgandilar.
O‘rganish davomida ta’lim, sog‘liqni saqlash, madaniyat hamda boshqa ijtimoiy ahamiyatga ega muassasalarda issiqlik tizimlari, yoqilg‘i zaxiralari, elektr va gaz ta’minotining barqarorligi, binolarning texnik holati ko‘zdan kechirildi.
Shuningdek, mavjud kamchiliklar, ularni bartaraf etish bo‘yicha amalga oshirilishi lozim bo‘lgan chora-tadbirlar muhokama qilindi.
Tuman hokimi tomonidan mas’ul rahbarlarga kuz-qish mavsumini betalofot o‘tkazish, aholiga qulay shart-sharoitlar yaratish hamda ijtimoiy soha obyektlarining uzluksiz faoliyatini ta’minlash bo‘yicha tegishli topshiriqlar berildi.