Qishloq xoʻjaligi ekinlarini sugʻorish masalalari muhokama qilindi
2025-12-22 18:00:00 / Yangiliklar
Arnasoy tumani hokimligida qishloq xoʻjaligi ekinlari maydonlarini sugʻorish bilan bogʻliq dolzarb masalalar yuzasidan yigʻilish oʻtkazildi.
Unda sugʻorish tizimlarining samaradorligini oshirish, suvdan oqilona foydalanish hamda mavsumga puxta tayyorgarlik koʻrish masalalariga alohida e’tibor qaratildi.
Tadbir davomida zovur va kanallar, beton ariqlarni ta’mirlash, sugʻorish inshootlarini shay holatga keltirish, mavjud muammolar va ularni bartaraf etish boʻyicha amalga oshiriladigan chora-tadbirlar muhokama qilindi.
Shuningdek, mas’ullarga aniqlangan kamchiliklarni qisqa muddatlarda bartaraf etish yuzasidan tegishli topshiriqlar berildi.
Yigʻilish yakunida qishloq xoʻjaligi sohasida barqarorlikni ta’minlash va hosildorlikni oshirishda sugʻorish tizimlarining muhim ahamiyatga ega ekani ta’kidlandi.