O‘zbekiston Respublikasi Adliya vazirligi huzuridagi "O‘zarxiv" Agentligi

Joriy yil 3-aprel kuni videokonferens-aloqa shaklida “Rossiya Federatsiyasi Perm davlat ijtimoiy-siyosiy tarixi arxivi va O‘zbekiston Respublikasi Adliya vazirligi huzuridagi “O‘zarxiv” agentligi bilan hamkorlikda “O‘zbekistonlik mehnat armiyachilarining Ikkinchi jahon urushi yillaridagi jasorati” mavzusidagi ko‘chma banner ko‘rgazmasini o‘tkazish va “O‘zbekistonlik mehnat armiyachilarining jasorati” mavzusidagi arxiv hujjatlari to‘plamini nashrga tayyorlash bo‘yicha Chora-tadbirlar rejasi (2025-2026-yillar uchun)” imzolandi.

Hujjatni imzolash marosimida “O‘zarxiv” agentligi direktori U.Yusupov boshchiligidagi vakillar hamda Rossiya Federatsiyasi Perm davlat ijtimoiy-siyosiy tarixi arxivi direktori S.Neganov ishtirok etdilar.

Mazkur imzolangan hujjat O‘zbekiston va Rossiya arxiv muassasalari o‘rtasidagi hamkorlikdagi ishlarning sifatli amalga oshirilishiga hamda har ikki tomonda arxiv ishi sohasini yanada kengaytirish uchun zamin yaratadi.