O‘zbekistonning arxiv sohasidagi zamonaviy tajribasi xalqaro konferensiyada taqdim etildi
2026-08-06 10:30:00 / Yangiliklar
O‘zbekistonning arxiv sohasidagi zamonaviy tajribasi xalqaro konferensiyada taqdim etildi
Qozog‘iston Respublikasi Milliy arxivining 20 yilligiga bag‘ishlab Ostona shahrida “Arxivlar: raqamli transformatsiya, konstitutsiyaviy qadriyatlar va tarixiy meros” mavzusidagi xalqaro ilmiy-amaliy konferensiya bolib o‘tmoqda.
Konferensiyada O‘zbekiston nomidan O‘zbekiston Milliy arxivi direktori Dilbar Zokirova “O‘zbekiston Milliy arxivida arxiv hujjatlari ko‘rgazmalarini tayyorlashda sun’iy intellekt” mavzusida ma’ruza qildi.
Shuningdek, “O‘zarxiv” agentligi Axborot xizmati rahbari, (PhD) Anvarjon Aliyev onlayn formatda ishtirok etib, “O‘zbekistonda tarixiy hujjatlarni saqlash va ulardan foydalanishda sun’iy intellektdan foydalanishning yangi yondashuvlari” mavzusidagi ma’ruzasi bilan qatnashdi.
Mazkur xalqaro anjuman arxiv sohasida raqamli transformatsiya, sun’iy intellekt texnologiyalarini joriy etish hamda tarixiy merosni asrash borasidagi ilg‘or tajribalarni muhokama qilish va xalqaro hamkorlikni yanada rivojlantirish uchun muhim platforma bo‘lib xizmat qilmoqda.