“Oʻzarxiv” agentligi direktori U. Yusupov Boʻka tumanida yoshlar bilan uchrashdi
2026-07-30 15:30:00 / Yangiliklar
“Oʻzarxiv” agentligi direktori U. Yusupov Boʻka tumanida yoshlar bilan uchrashdi
“Oʻzarxiv” agentligi direktori U. Yusupov Toshkent viloyati Boʻka tumanidagi “Ramadan” va “Qoʻldoshtepa” mahallalariga biriktirilgan yoshlar bilan navbatdagi ochiq muloqotda uchrashdi.
Muloqot davomida yoshlarning taʼlimi, kasbiy koʻnikmalari, kelgusidagi rejalari hamda bandlik masalalari yuzasidan fikr almashildi. Shuningdek, ularning ijtimoiy ahvoli va mavjud muammolari atroflicha oʻrganilib, har bir murojaat boʻyicha amaliy yechimlar berildi.
Uchrashuv yakunida bir qator yoshlarni ish bilan taʼminlash, kasb-hunarga yoʻnaltirish, malaka oshirish kurslariga jalb etish hamda manzilli yordam koʻrsatish boʻyicha zarur choralar koʻrildi. Tegishli qurilish va maishiy xizmat koʻrsatish anjomlari begʻaraz topshirildi.
Yoshlarni har tomonlama qoʻllab-quvvatlash va ularning muammolariga yechim topish borasidagi ishlar izchil davom ettiriladi.