“Oʻzarxiv” agentligi direktori Ulugʻbek Yusupov Jizzax viloyatidagi Yosh arxivchi xodimlar bilan uchrashuv o'tkazdi.
2026-07-23 15:30:00 / Yangiliklar
“Oʻzarxiv” agentligi direktori Ulugʻbek Yusupov Jizzax viloyatidagi Yosh arxivchi xodimlar bilan uchrashuv o'tkazdi.
Jizzax viloyatida yosh arxivchilar bilan boʻlib oʻtgan uchrashuvda yoshlar oʻrtasida oʻtkazilayotgan ijtimoiy tadbirlarni yanada koʻproq tashkil etilishi, soha rivoji uchun yoshlar tomonidan berilayotgan takliflar va savollarga atroflicha javob berildi hamda fikr va takliflar bildirildi.
Qayd etish kerakki, Jizzax viloyat arxiv ishi hududiy boshqarmasi va uning tizimidagi arxiv muassasalarida jami 66 nafar xodim faoliyat yuritadi. Ushbu xodimlarning 24 nafarini yoshlar tashkil etadi.
Mazkur uchrashuv davomida arxivchi yoshlar o'zlarining innovatsion g'oyalari va tashabbuslarini ilgari surishdi. Xususan, uch nafar yosh xodimlar tomonidan sohani yanada rivojlantirishga qaratilgan "Arxiv karvoni", "Eng yaxshi tuman arxivlari reytingi" kabi loyihalar taqdimoti o'tkazildi.