Belarus Respublikasida bo‘lib o‘tgan “Arxiv muloqoti: Belarusning eng yangi tarixida ayolning o‘rni” V Xalqaro ilmiy-amaliy konferensiyada “O‘zarxiv” agentligi vakili ishtirok etdi.
2026-05-23 12:00:00 / Yangiliklar
Belarus Respublikasida bo‘lib o‘tgan “Arxiv muloqoti: Belarusning eng yangi tarixida ayolning o‘rni” V Xalqaro ilmiy-amaliy konferensiyada “O‘zarxiv” agentligi vakili ishtirok etdi.
Mazkur konferensiyada “O‘zarxiv” agentligi Axborot xizmati rahbari Anvarjon Aliyev “Og‘zaki tarix va raqamli arxivlarning eng yangi tarixni o‘rganishdagi manbashunoslik salohiyati (O‘zbekiston va postsovet mamlakatlari misolida)” mavzusida ma’ruza bilan qatnashdi.
Ma’ruzada og‘zaki tarix materiallari, raqamlashtirilgan arxiv hujjatlari hamda zamonaviy axborot texnologiyalarining tarixiy jarayonlarni tadqiq etishdagi ahamiyati haqida so‘z yuritildi. Shuningdek, O‘zbekiston va postsovet hududidagi davlatlarda raqamli arxiv tizimlarini rivojlantirish borasidagi tajribalar va istiqbolli yo‘nalishlar muhokama qilindi.