O‘zbekiston Respublikasi Adliya vazirligi huzuridagi "O‘zarxiv" Agentligi

“O‘zarxiv” agentligi direktori U. Yusupov AQSH da arxiv hujjatlarini raqamlashtirish masalalariga bag‘ishlangan davra suhbatida ishtirok etdi

AQSHning Salt Lake City shahrida o‘tkazilayotgan RootsTech 2026 xalqaro shajara konferensiyasi doirasida arxiv sohasidagi yetakchi mutaxassislar ishtirokida arxiv hujjatlarini raqamlashtirish bo‘yicha davra suhbati tashkil etildi.

Mazkur tadbirda “O‘zarxiv” agentligi direktori U.Yusupov ishtirok etib, O‘zbekiston arxiv tizimida amalga oshirilayotgan raqamlashtirish jarayonlari bo‘yicha taqdimot qildi.

Davra suhbati davomida AQSHning arxiv muassasalari tomonidan arxiv materiallarini raqamlashtirish, elektron kataloglar yaratish, sunʼiy intellekt texnologiyalaridan foydalanish hamda tarixiy hujjatlarni onlayn platformalar orqali taqdim etish borasidagi ilg‘or tajribalar muhokama qilindi hamda fikr almashildi.