O‘zbekiston Respublikasi Adliya vazirligi huzuridagi "O‘zarxiv" Agentligi

Davlat arxivlari rahbar va xodimlarining kasbiy tayyorgarlik va kvalifikatsiya darajasini aniqlash bo‘yicha attestatsiyalar davom etmoqda.

Attestatsiyalar belgilangan tartib asosida test va og‘zaki shaklda o‘tkazilmoqda. Jarayonlar ochiq, shaffof va adolat tamoyillari asosida tashkil etilib, ishtirokchilarning nazariy bilimlari, amaliy ko‘nikmalari hamda sohaviy meʼyoriy-huquqiy hujjatlar bo‘yicha xabardorlik darajasi atroflicha baholanmoqda.

Test sinovlari orqali arxiv ishi, hujjatlar bilan ishlash, raqamlashtirish jarayonlari, axborot xavfsizligi hamda amaldagi qonunchilik talablari bo‘yicha bilimlar aniqlanmoqda. Og‘zaki suhbat jarayonida esa rahbar va xodimlarning kasbiy tajribasi, muammoli vaziyatlarda to‘g‘ri qaror qabul qilish qobiliyati hamda boshqaruv kompetensiyalari baholanmoqda.

“O‘zarxiv” agentligi Axborot xizmati