“FamilySearch” nodavlat notijorat tashkiloti Yevropa bo‘yicha strategik biznes-menejeri Tomas Hengst “O‘zarxiv” agentligida bo‘ldi
2026-01-12 16:00:00 / Yangiliklar
AQSHning “FamilySearch” nodavlat notijorat tashkiloti Yevropa bo‘yicha strategik biznes-menejeri Tomas Hengst “O‘zarxiv” agentligi direktori Ulugʻbek Yusupov bilan uchrashdi.
Uchrashuvda arxiv hujjatlarni raqamlashtirish va “Shajara” loyihasini amalga oshirishda hamkorlikni rivojlantirish masalalari kun tartibining asosiy mavzusi sifatida ko‘rildi.
Uchrashuv davomida O‘zbekiston arxiv fondini raqamlashtirish jarayonlarini jadallashtirish hamda milliy shajara (genealogiya) axborot tizimini yaratish bo‘yicha hamkorlikning amaliy yo‘nalishlari muhokama qilindi.
Tashrif so‘ngida O‘zbekiston milliy arxivi bo‘ylab qiziqarli ekskursiya uyushtirilib, restavratsiya va raqamlashtirish jarayonlari, shuningdek, arxiv muzeyi va ko‘rgazmalar zalida tashkil etilgan noyob arxiv hujjatlari va eksponatlari bilan tanishtirildi.