O‘zbekiston Respublikasi Adliya vazirligi huzuridagi "O‘zarxiv" Agentligi

Yil yakunlari bo‘yicha alohida o‘rnak ko‘rsatgan “O‘zarxiv” agentligi tizimi xodimlarini taqdirlash marosimi bo‘lib o‘tdi

Tadbirda arxiv sohasini rivojlantirish, tizim faoliyati samaradorligini oshirishda fidokorona mehnat qilgan xodimlar munosib eʼtirof etildi. Jumladan, “O‘zarxiv” agentligi bo‘lim boshlig‘i Mirzayev Laziz To‘lqinovich hamda Toshkent shahar shaxsiy tarkib hujjatlari davlat arxivi direktori Abdikulov Raxman Andabayevich arxiv sohasiga qo‘shgan salmoqli hissalari uchun “Soha iftixori” ko‘krak nishoni bilan taqdirlandilar.

Shuningdek, bir qator soha xodimlariga samarali mehnati va yuksak kasbiy mahorati uchun “Faxriy yorliq” va “Tashakkurnoma” lar topshirildi.

Mazkur taqdirlash marosimi arxiv tizimi xodimlarini yangi yutuqlarga undash, mehnatini munosib qadrlashga xizmat qiladi. 

Barcha taqdirlanganlarni samimiy muborakbod etamiz!