O‘zbekiston Respublikasi Adliya vazirligi huzuridagi "O‘zarxiv" Agentligi

Farg‘ona viloyati davlat arxivida “Korrupsiyaga qarshi jamoaviy tarzda kurash” mavzusida maʼnaviyat soati bo‘lib o‘tdi

Farg‘ona viloyati davlat arxivida jamiyat taraqqiyotiga to‘sqinlik qiluvchi salbiy illatlardan biri — korrupsiyaga qarshi kurashishga bag‘ishlangan navbatdagi maʼnaviyat soati bo‘lib o‘tdi. Tadbirda arxiv xodimlari ishtirok etdilar.

Yig‘ilish davomida mamlakatimizda korrupsiyaga qarshi kurash sohasida amalga oshirilayotgan islohotlar, qabul qilingan qonun va dasturlar, xususan, “Korrupsiyaga qarshi kurash to‘g‘risida”gi qonunning ahamiyati keng yoritib berildi. Shu bilan birga, fuqarolarda huquqiy ong va huquqiy madaniyatni yuksaltirish, halollik, shaffoflik va masʼuliyat kabi qadriyatlarni mustahkamlash zarurligi taʼkidlandi.