O‘zbekiston Respublikasi Adliya vazirligi huzuridagi "O‘zarxiv" Agentligi

Korrupsiyaga qarshi kurash mavzusida navbatdagi onlayn trening o‘tkazildi

“O‘zarxiv” agentligi tizimida korrupsiyaga qarshi kurashish, xodimlarda halollik va shaffoflik tamoyillarini mustahkamlash maqsadida navbatdagi onlayn trening o‘tkazildi.

Mazkur treningda “O‘zarxiv” agentligi tizimidagi Arxiv ishi hududiy boshqarmalari hamda Milliy arxivlarning rahbar va xodimlari faol ishtirok etdilar.

Trening davomida korrupsiyaga qarshi kurashishning zamonaviy mexanizmlari, davlat xizmatchilarining odob-axloq qoidalari, manfaatlar to‘qnashuvining oldini olish choralari hamda tashkilot ichki nazorat tizimining samaradorligini oshirish masalalari atroflicha muhokama qilindi.

Tadbir yakunida ishtirokchilar korrupsiyaga qarshi kurashish bo‘yicha o‘z fikr-mulohazalarini bildirdilar hamda amaliy tavsiyalar bilan o‘rtoqlashdilar.