⚡️ Tuman hokimi dehqon (oziq-ovqat) bozorida tashkil etilgan yarmarka faoliyatini nazorat qildi
2025-12-02 16:30:00 / Yangiliklar
Bugun Angor tumani hokimi Qosim Mardonov dehqon (oziq-ovqat) bozorida tashkil etilgan haftalik yarmarka faoliyatini o‘rgandi.
Yarmarkadagi narx-navolarning barqarorligi, aholiga taklif etilayotgan asosiy iste’mol mahsulotlarining yetarli miqdorda bo‘lishi, shuningdek dehqon va tadbirkorlarga yaratilgan sharoitlar o‘rganildi.
Shuningdek, sotuv jarayonidagi tartib-intizom, mahsulot sifati, sanitariya holati va aholiga yaratilgan qulayliklar masalalari bo‘yicha tegishli rahbarlarga topshiriqlar berildi.
Ushbu yarmarka aholi uchun sifatli va arzon mahsulotlar taklif etishda, shuningdek, mahalliy ishlab chiqaruvchi va dehqonlar faoliyatini qo‘llab-quvvatlashda muhim ahamiyat kasb etishi ta’kidlandi.