Viloyat hokimligi faoliyati bo‘yicha kengaytirilgan yig‘ilish o‘tkazildi
2025-02-17 09:55:00 / Yangiliklar
Oʻzbekiston Respublikasi Prezidentining 2021 yil 16 iyundagi PF-6247-sonli Farmoniga muvofiq, davlat organlari oʻz faoliyati hisobotlarini rasmiy veb-saytlarda va Ochiq ma'lumotlar portalida e'lon qilish, shuningdek, keng jamoatchilik ishtirokida muhokama qilish majburiyatining amalga oshirilishi doirasida Andijon viloyati hokimligi tomonidan 2024 yil yakunlari hamda 2025 yil rejalari yuzasidan hisobot yigʻilishi hamda OAV va blogerlar uchun matbuot anjumani boʻlib oʻtdi.
Unda viloyat hokimi Shuhratbek Abdurahmonov, mutasaddi tashkilot rahbarlari, jamoatchilik vakillari, faol yoshlar, OAV vakillari, jurnalistlar va blogerlar ishtirok etdi.
Tadbirda hokimlik faoliyatiga oid masalalar boʻyicha viloyat hokim va mas'ul rahbarlar hisobotlari tinglandi va 2025 yilda amalga oshiriladigan ishlar rejasi e'lon qilindi.
Erishilgan natijalar jamoatchilik vakillari tomonidan muhokama etildi.
Anjuman davomida ommaviy axborot vositalari vakillari (jurnalistlar va blogerlar) tomonidan berilgan savollarga batafsil javoblar berildi.