Marhamatda 300 ta yangi ish o‘rnini yaratgan to‘qimachilik korxonasi ish boshladi
2026-10-26 17:20:00 / Yangiliklar
Marhamat tumanida aholi bandligini ta’minlash, sanoat salohiyatini yuksaltirish va mahalliy ishlab chiqarishni rivojlantirish borasidagi ishlar izchil davom etmoqda. Tumanning Bozorboshi mahallasida «Fazo Infinity» MChJga qarashli yangi to‘qimachilik korxonasining foydalanishga topshirilishi ushbu yo‘nalishdagi muhim voqealardan biri bo‘ldi.
Mazkur korxona 12 milliard so‘m investitsiya mablag‘lari hisobidan tashkil etildi. Yangi ishlab chiqarish majmuasi 300 nafar fuqaroning bandligini ta’minlash imkonini beradi. Bu esa ko‘plab oilalar uchun barqaror daromad manbaini yaratish va aholi farovonligini oshirishga xizmat qiladi.
Korxonaning ochilish marosimida ramziy lenta qirqilib, yangi ishlab chiqarish majmuasi faoliyatiga rasman start berildi. Shundan so‘ng ishtirokchilar ishlab chiqarish jarayonlari va xodimlar uchun yaratilgan sharoitlar bilan tanishdilar.
Yangi korxonaning ishga tushirilishi tumanda sanoatni rivojlantirish, mahalliy mahsulotlar ishlab chiqarish hajmini oshirish hamda iqtisodiy faollikni kuchaytirishda muhim ahamiyat kasb etadi.
Marhamatda amalga oshirilayotgan ushbu loyiha tadbirkorlikni rivojlantirish, investitsiyalarni jalb etish va aholi bandligini ta’minlash orqali hudud iqtisodiy salohiyatini yanada mustahkamlashga xizmat qiladi.