Xitoyning «China CAMC Engineering» kompaniyasi bilan hamkorlik istiqbollari muhokama qilindi
2026-10-20 12:25:00 / Yangiliklar
Andijon viloyati delegatsiyasi Xitoyning «China CAMC Engineering Co., Ltd.» kompaniyasi vakillari bilan uchrashuv o‘tkazdi.
Muloqot davomida viloyatda ichimlik suvi ta’minoti va oqova suv tizimlarini takomillashtirish, shuningdek, logistika infratuzilmasini rivojlantirishga qaratilgan qator istiqbolli loyihalar muhokama qilindi.
Xususan, Xonobod shahrida sutkasiga 100 ming kub metr ichimlik suvini tozalash quvvatiga ega inshoot barpo etish, Xonobod–Asaka magistral suv quvurini qurish, xalqaro logistika markazini tashkil etish hamda Andijon shahrida oqova suvlarni tozalash inshootlarini barpo etish masalalariga alohida e’tibor qaratildi.
Qayd etilgan loyihalarning investitsiya qiymati texnik-iqtisodiy o‘rganishlar natijalariga ko‘ra belgilanadi.
Uchrashuv davomida tomonlar mazkur yo‘nalishlarda o‘zaro manfaatli hamkorlikni rivojlantirish va loyihalarni amalga oshirish imkoniyatlarini o‘rganish masalalarini muhokama qildilar.