Andijon viloyati bahor mavsumida 6,01 million tup (rejaga nisbatan 105 foiz) koʻchatlar ekilib, “yashilmakon.eco” elektron platformasiga kiritilgan.

“Mening bogʻim” loyihasi doirasida viloyatning tuman va shaharlarida 16 ta “yashil bogʻlar” yoki “yashil jamoat park”lari barpo etilishi rejalashtirilgan.

Loyihani amalga oshirish yuzasidan, “Ochiq byudjet” axborot portali orqali Jamoatchilik fikri asosida 32 ta loyihalardan 16 ta loyihalar (1663 ta ovoz) bilan gʻolib deb topilib, tanlangan yer maydonlariga Xalq deputatlari shahar va tuman Kengashlarning qarorlari qabul qilinib, kuzgi koʻchat ekish mavsumida tashkil etish rejalashtirilgan.

Shuningdek, 27,5 gektar yer maydonlariga “Hokimlik yashil bogʻ”lari tashkil etish boʻyicha joylashuv sxemalari shahar va tuman hokimlari hamda tegishli tashkilotlar tomonidan tasdiqlab olingan.

Soya-salqin sayr koʻchalari tashkil qilish boʻyicha viloyatning 4 ta tuman va shaharlardan 8 ta koʻchalardan jami 4 600 metr yer maydoni tanlangan. Xonobod shaharda 1 000 metr, Qoʻrgʻontepada 1 600 metr, Xoʻjaobodda 1 000 metr, Asakada 1 000 metr yer maydonlari aniqlanib, “Google” xaritadan koʻchirmasi tasdiqlatib olingan.

Davlat xizmatlari markazi orqali 164 ta murojaatda 3 633 dona daraxt kesish uchun murojaatlar kelib tushgan.

Mazkur murojaatlardan 57 tasiga (708 ta daraxt kesish uchun, shundan 135 tasi qimmatbaho daraxt) ijobiy xulosa berilgan, 159 ta murojaatdan 3 727 dona (478 tasi qimmatbaho navli daraxtlar) daraxtlarga esa kesish uchun asoslar yoʻqligi sababli, rad etish xulosalari berilgan.

Bundan tashqari, oʻsimlik dunyosini va hayvonot dunyosidan noqonuniy ovlash holatlarini oldini olish yuzasidan oʻtkazilgan nazorat tadbirlari natijasiga koʻra, 122 ta noqonuniy harakatlar aniqlangan.

Aniqlangan qonunbuzilishi holatlari yuzasidan huquqbuzarlarga nisbatan 768,38 million soʻm jarima solinib, 302,5 million soʻm undirilishi taʼminlangan.

Shundan, oʻsimlik dunyosini muhofaza qilish boʻyicha jami 117 ta qonunbuzarlik holati aniqlangan.

Ularga nisbatan maʼmuriy jarima 727,18 million soʻm jarima solinib, shundan 288,51 million soʻm undirib olingan, qolgan maʼmuriy jarimalarni undirish choralari koʻrilib, sud organlari hamda majburiy ijro byurolari ixtiyoriga yuborilgan.

Hayvonot dunyosini muhofaza qilish boʻyicha jami 5 ta huquqbuzarlik holati aniqlanib, huquqbuzarlarga nisbatan 41,2 million soʻm jarima solinib, shundan 14,8 million soʻm undirilishi taʼminlangan.

2026-yilda I va II toifaga kiruvchi 9 ta yirik sanoat korxonalariga chang-gaz tozalash uskunalari oʻrnatilishi yuzasidan chora-tadbirlar rejasi ishlab chiqilgan.

Chora-tadbirlar  asosan 11 ta korxona va tashkilotlar tomonidan 99,5 foizdan kam boʻlmagan chang-gaz tozalash uskunasiga oʻrnatilib, modernizatsiya qilish ishlari toʻliq yakunlangan.

Viloyatda faoliyat olib borayotgan jami 14 ta sanoat korxonalariga atmosfera havosiga ustuvor turgʻun ifloslantiruvchi manbalardan chiqadigan tashlanmalarni tahlil qiluvchi avtomatik va fon monitoring stansiyalarini oʻrnatilib, Ekologiya milliy qoʻmitasiga axborot tizimiga integratsiya qilingan.

Andijon viloyati Ekologiya bosh boshqarmasi va Yoʻl harakati xavfsizligi boshqarmasi bilan hamkorlikda 2 bosqichli “Toza Havo” oyligini oʻtkazish boʻyicha qoʻshma rejasi ishlab chiqib tasdiqlangan.

Mazkur tadbirning 1-bosqichida jami 16 ming 328 ta avtotransport vositasi koʻrikdan oʻtkazilgan boʻlib, ulardan toksiklik darajasi va tutun miqdorining oshgan transport vositalariga belgilangan tartibda taʼsir choralari qoʻllanilgan.

Viloyatda chiqindilarni toʻplash va olib chiqib ketish xizmati qamrov darajasi hududlar kesimida (MFY kesimida) 100 foiz hamda aholi soniga nisbatan qamrov darajasi 76 foizni tashkil etmoqda.

Andijon viloyatida faoliyat olib boruvchi sanitar tozalash korxonalari tasarrufidagi 323 ta maxsus texnikalar yordamida aholidan hosil boʻlayotgan maishiy chiqindilarni toʻplash va olib chiqib ketish xizmatlarini koʻrsatmoqda.

Shuningdek, viloyat hududida 71 ta chiqindi yigʻish shoxobchalari hamda 926 ta chiqindi konteyner mavjud boʻlib, shundan 2026-yilda qoʻshimcha 150 ta zamonaviy chiqindi konteynerlari oʻrnatiladi.

Viloyatda umumiy maydoni 25,9 gektar boʻlgan, 8 ta maishiy poligonlari faoliyat olib borilmoqda.

 Shuningdek, ekologik vaziyatni yaxshilash maqsadida viloyatdagi chiqindi poligonlarini qisqartirish orqali Paxtaobod va Asaka tumanlarida qayta yuklash stansiyalari faoliyatini tashkil etilgan.

Bugungi kunda chiqindini qayta ishlash korxonalarining soni 11 tani tashkil etadi.

Mazkur korxonalar tomonidan 2026-yilda davomida 10 ming 560 tonna chiqindilar realizatsiya qilinishga erishilgan.

Viloyatda tibbiyot chiqindilarini utilizatsiya qilish faoliyati bilan shugʻullanuvchi 3 ta korxonalar mavjud. Ushbu korxonalar tomonidan viloyatdagi barcha tibbiyot muassasalari qamrovga olingan.

Viloyatning Izboskan tumanida Green unversity qoshida “Yashil texnikum" faoliyati yoʻlga qoʻyiladi.Mahallalarda ekologik madaniyatni oshirish maqsadida 250 tadan ortiq targʻibot ishlari olib borilmoqda.

Shuningdek, har oyning 10 va 25 sanalarida “Avtomobilsiz kun” aksiya oʻtkazilmoqda.  Aksiya davomida xizmat va shaxsiy avtotransport vositalaridan foydalanishni cheklab, jamoat transporti, piyoda yurish hamda ekologik toza transport vositalaridan foydalanishni targʻib qilmoqda. 

Ekolog, ekovolontyor hamda ekofaollar ishtirokida ommaviy axborot vositalar orqali jami 389 marotaba chiqishlar qilingan.

2026-yil davomida Milliy gvardiya va Ichki ishlar organlari bilan hamkorlikda 2 860 dan ortiq reydlar oʻtkazilib, jami 2 304 nafar huquqbuzarlarga nisbatan 2,91 milliard soʻm miqdorida jarima qoʻllanilib, shundan 1 666 nafaridan 1,08 milliard soʻm undirilib, 1,01 milliard soʻm ixtiyoriy muddatda toʻlanganligi sababli imtiyoz asosida chegirma berilgan.

2026-yilda tabiatga yetkazilgan zararlarning oldini olish yuzasidan 349 ta holatda 100 million soʻmdan ortiq zarar hisoblanib, shundan 40 million soʻmdan ortiq zarar undirib, qolgan zararlarni undirib olish ishlari olib borilmoqda.

Jismoniy va yuridik shaxslar tomonidan  2026-yil davomida  jami 310 ta murojaat kelib tushgan.

Shundan:

Oʻzbekiston Respublikasi Prezidenti (Virtual) Xalq qabulxonasi orqali elektron murojaatlar — 125 tani (40.4 %), yozma murojaatlar – 41 tani (13.2 %), ogʻzaki murojaatlar – 144 tani (46.4 %) tashkil etgan. (shaxsiy qabul davomida —  2 ta, sayyor qabul davomida — 24 ta,  ishonch telefoni orqali — 118 ta murojaat qabul qilingan.)

Murojaatlarning 283 tasi qanoatlantirilgan, 20 tasiga huquqiy tushuntirish berish orqali hal etilgan, 4 tasi tegishliligi boʻyicha yuborilgan, 3 tasi  koʻrib chiqish tugatilgan.

2026-yil davomida kelib tushgan murojaatlarning 310 ta murojaatlar qonunda belgilangan muddatlarda oʻrganib chiqilgan va mualliflarga javob xatlari yuborilgan, hisobot davrida murojaatlarni oʻrganish boʻyicha qonunbuzilish holatlari aniqlanmagan, muddati buzilmagan.

Bosh boshqarmasi rahbariyati tomonidan 6 ta sayyor qabul oʻtkazildi. Sayyor qabulda 24 tadan ortiq fuqarolar qabul qilingan boʻlib, jismoniy va yuridik shaxslardan kelib tushgan murojaatlarning 21 tasi joyida hal etildi, 3 tasiga huquqiy maʼlumot berish orqali hal etilgan.