Yig‘ilishda shaxsiy tarkib o‘rtasida korrupsiyaga qarshi kurashish, xizmat faoliyatida qonuniylik va intizom talablariga qat’iy rioya etish, manfaatlar to‘qnashuviga yo‘l qo‘ymaslik hamda turli huquqbuzarliklarning oldini olish bo‘yicha amalga oshirilayotgan ishlar tahlil qilindi. Xodimlarning xizmat mas’uliyatini yanada oshirish, xizmat vazifalarini vijdonan va belgilangan tartibda bajarish yuzasidan aniq vazifalar belgilandi.

Shuningdek, Mustaqillikning 35 yilligi doirasida viloyat hududida tashkil etiladigan ommaviy bayram tadbirlarida fuqarolar hayoti va sog‘lig‘i xavfsizligini ta’minlash, yong‘inlar hamda boshqa favqulodda vaziyatlarning oldini olish, tadbirlar o‘tkaziladigan obyektlarning yong‘in va texnik xavfsizligini kuchaytirish masalalariga alohida e’tibor qaratildi.

Yig‘ilishda shahar va tuman favqulodda vaziyatlar bo‘limlarining shaxsiy tarkibi “ZOOM” platformasi orqali masofadan turib ishtirok etdi. Yakunda belgilangan chora-tadbirlarni o‘z vaqtida va sifatli amalga oshirish, bayram tadbirlarini xavfsizlik talablariga qat’iy rioya qilgan holda o‘tkazish hamda yuzaga kelishi mumkin bo‘lgan favqulodda vaziyatlarning oldini olish bo‘yicha mas’ullarga tegishli topshiriqlar berildi.