Tadbirlarda shahar va tuman hokimlari, davlat tashkilotlari rahbarlari, soha mutasaddilari, yoshlar yetakchilari hamda faol yoshlar ishtirok etdi.

Ochiq muloqotlar davomida yoshlarning ta’lim olishi, bandligini ta’minlash, kasb-hunar o‘rganishi, tadbirkorlik tashabbuslarini qo‘llab-quvvatlash, imtiyozli kredit va subsidiyalardan foydalanish imkoniyatlari, ijtimoiy masalalar hamda ularni qiynab kelayotgan boshqa dolzarb muammolar muhokama qilindi.

Uchrashuvlarda yoshlarning taklif va tashabbuslariga alohida e’tibor qaratilib, har bir murojaat mas’ullar ishtirokida ko‘rib chiqildi. Ayrim masalalar joyida hal etildi, qo‘shimcha o‘rganishni talab qiladigan murojaatlar esa ijrosi nazoratga olindi.

Muloqotlar davomida hududlarda yoshlarni qo‘llab-quvvatlash, ularning bilim va kasbiy ko‘nikmalarini rivojlantirish, bandligini ta’minlash hamda tadbirkorlik faoliyatini boshlashiga ko‘maklashish bo‘yicha amalga oshirilayotgan ishlar ham muhokama qilindi.

Ta’kidlanganidek, yoshlarning huquq va manfaatlarini ta’minlash, ularning zamonaviy bilim va kasblarni egallashi uchun zarur sharoitlar yaratish, tashabbuslarini qo‘llab-quvvatlash davlat siyosatining ustuvor yo‘nalishlaridan biridir.

Mazkur ochiq muloqotlar davlat organlari va yoshlar o‘rtasidagi samarali hamkorlikni yanada mustahkamlash, mavjud muammolarni manzilli hal etish hamda yoshlar bilan ishlash tizimini yangi bosqichga olib chiqishga xizmat qilmoqda.