Tadbir davomida soha mutaxassislari tomonidan ijtimoiy tarmoqlarda samarali faoliyat yuritish, shaxsiy va biznes brendini rivojlantirish, sifatli kontent yaratish, raqamli marketingning zamonaviy imkoniyatlaridan foydalanish hamda uning bugungi iqtisodiyotdagi o‘rni bo‘yicha amaliy tavsiyalar berildi.

Seminar ishtirokchilari raqamli marketing sohasidagi yangi tendensiyalar bilan tanishib, mutaxassislarga o‘zlarini qiziqtirgan savollar bilan murojaat qildilar va batafsil javoblar oldilar.

Tadbir yakunida SMM savodxonligi kursini muvaffaqiyatli tamomlagan yosh mutaxassislarga sertifikatlar topshirildi.

Seminarning asosiy maqsadi — SMM yo‘nalishida bilim va ko‘nikmaga ega bo‘lgan yoshlarni tadbirkorlik subyektlari bilan samarali hamkorlikka yo‘naltirish, ularning amaliy faoliyatini boshlashiga ko‘maklashish hamda bandligini ta’minlashdan iborat.

Mazkur tashabbus Kontent markazining yoshlar o‘rtasida media va raqamli savodxonlikni oshirish, zamonaviy kasbiy ko‘nikmalarga ega kontent yaratuvchilarni tayyorlash hamda ularni mehnat bozoriga muvaffaqiyatli integratsiya qilishga qaratilgan faoliyatining amaliy ifodasidir.