Bobur shahrida yangi kitob do‘koni faoliyat boshladi: Ma’rifat maskani aholi ixtiyorida
2026-08-01 11:05:00 / Yangiliklar
Bobur shahrida aholi, ayniqsa, yoshlar o‘rtasida mutolaa madaniyatini yuksaltirish, kitobxonlikni keng targ‘ib etish maqsadida zamonaviy va ko‘rkam kitob do‘koni o‘z ish faoliyatini boshladi.
Mazkur yangi ziyo maskani dunyo va o‘zbek adabiyotining sara durdonalari, ilmiy-ommabop, badiiy hamda bolalar uchun mo‘ljallangan rang-barang adabiyotlar bilan boyitilgan. Do‘konda kitobxonlar uchun yaratilgan shinam sharoitlar va zamonaviy xizmat ko‘rsatish tizimi tashrif buyuruvchilarda katta taassurot qoldirmoqda.
Viloyatimizda aholining intellektual salohiyatini oshirish va ma’naviyatini boyitishga xizmat qiluvchi bu kabi loyihalarni qo‘llab-quvvatlash hamda mahallalarda kitobxonlik muhitini yanada rivojlantirish ishlari izchil davom ettiriladi.