Shiddatli bahslar va yangi kashfiyotlar: Andijonda DXX kubogi sohiblari tantanali ravishda mukofotlandi
2026-07-17 22:00:00 / Yangiliklar
Tadbirda Andijon viloyati hokimi Shuhratbek Abdurahmonov, davlat idoralari rahbarlari, mutasaddi tashkilotlar vakillari, sport faxriylari hamda keng jamoatchilik ishtirok etdi. Markaziy final bahsida Andijon tumanining «Poloson» hamda Andijon shahrining «Gumbaz» mahallalari jamoalari bosh sovrin uchun kurash olib bordi.
Musobaqa yakunlariga ko‘ra, g‘olib va sovrindorlar ro‘yxati quyidagicha ko‘rinish oldi:
Futbol (o‘g‘il bolalar):
1-o‘rin: Andijon tumani
2-o‘rin: Andijon shahri
3-o‘rin: Buloqboshi tumani
Mini-futbol (o‘g‘il bolalar):
1-o‘rin: Paxtaobod tumani
2-o‘rin: Izboskan tumani
3-o‘rin: Asaka tumani
Mini-futbol (qizlar):
1-o‘rin: Izboskan tumani
2-o‘rin: Ulug‘nor tumani
3-o‘rin: Shahrixon tumani
G‘olib va sovrindor jamoalarga tashkilotchilar tomonidan kubok, medallar, diplom hamda qimmatbaho esdalik sovg‘alari tantanali ravishda topshirildi. Ushbu musobaqa yoshlarni ommaviy sportga jalb etish va mahallalarda iqtidorli sportchilarni kashf etishda muhim ahamiyat kasb etmoqda.