«Bobur Arena»dan LIVE: DXX kubogining viloyat bosqichi final uchrashuvi qizg‘in va murosasiz ruhda davom etmoqda!
2026-07-17 19:00:00 / Yangiliklar
Andijon shahridagi «Bobur Arena» stadionida futbol bo‘yicha Davlat xavfsizlik xizmati (DXX) kubogining viloyat bosqichi final bahsi tantanali ravishda boshlandi.
Hal qiluvchi uchrashuv oldidan katta gala-konsert dasturi namoyish etilib, yig‘ilganlarga bayramona kayfiyat ulashildi. Shundan so‘ng Andijon viloyati hokimi Shuhratbek Abdurahmonov so‘zga chiqib, musobaqada munosib ishtirok etib, finalgacha yetib kelgan Andijon shahrining «Gumbaz» hamda Andijon tumanining «Poloson» mahallalari jamoalarini qutladi.
Viloyat rahbari o‘z nutqida sportchilarga halol va murosasiz bahs olib borishni tilab, ushbu uchrashuv barcha futbol ishqibozlariga unutilmas lahzalarni tuhfa etishini ta’kidladi.
Tantanali marosimlardan so‘ng final uchrashuviga rasman start berildi.