Belarus va O‘zbekiston o‘rtasidagi hududlararo hamkorlik yangi bosqichga chiqmoqda
2026-07-14 11:20:00 / Yangiliklar
Belarus va O‘zbekiston o‘rtasidagi hamkorlikni yanada mustahkamlash doirasida Vitebsk va Andijon viloyatlari o‘rtasidagi o‘zaro aloqalarni rivojlantirish masalalari muhokama qilinmoqda.
Uchrashuvda Belarus Respublikasi Prezidenti Aleksandr Lukashenko ham ishtirok etmoqda.
Andijon viloyati hokimi Shuhratbek Abdurahmonov Vitebsk viloyati rahbari Aleksandr Rogojnik bilan birgalikda agrosanoat majmuasida qo‘shma loyihalarni amalga oshirish istiqbollari yuzasidan axborot berdi.
Muzokaralarda qishloq xo‘jaligi sohasida o‘zaro manfaatli hamkorlikni kengaytirish, iqtisodiy samaradorlikni puxta hisob-kitob qilish hamda mehnat faoliyati uchun belaruslik fuqarolar bilan teng shart-sharoitlarni ta’minlash masalalariga alohida e’tibor qaratildi.
Tomonlar mazkur hamkorlik ikki hudud iqtisodiyotining barqaror rivojlanishiga xizmat qilishi, ishlab chiqarish salohiyatini oshirishi va o‘zaro ishonch hamda birodarlik munosabatlarini yanada mustahkamlashini ta’kidladilar.