Belarusda Andijon sarmoyasi ishtirokida yirik chorvachilik loyihasi amalga oshirilmoqda
2026-07-10 13:50:00 / Yangiliklar
Belarus Respublikasining Vitebsk viloyati Liozno tumanida uzoq yillar davomida foydalanilmay kelgan chorvachilik kompleksi andijonlik tadbirkor O‘rmonov Bekzod tomonidan sotib olindi.
Ushbu obyekt negizida «Andijon Chorva Uz» korxonasi tashkil etildi hamda qiymati katta bo‘lgan investitsiya loyihasini amalga oshirish ishlari boshlandi.
Loyiha doirasida 2 000 bosh qoramolni parvarishlash, zamonaviy chorvachilik texnologiyalarini joriy etish va ishlab chiqarilgan go‘sht hamda sut mahsulotlarini Andijon viloyatiga yetkazib berish yo‘lga qo‘yiladi.
Mazkur loyiha O‘zbekiston va Belarus o‘rtasidagi savdo-iqtisodiy hamkorlikni yanada mustahkamlash, oziq-ovqat xavfsizligini ta’minlash hamda chorvachilik sohasida zamonaviy ishlab chiqarish tajribasini joriy etishga xizmat qiladi.