Andijon xalqaro aeroporti Saudiya Arabistonining «Flyadeal» aviakompaniyasiga tegishli «Airbus A330» havo kemasini ilk bor kutib oldi
2026-07-03 14:45:00 / Yangiliklar
Bugun Saudiya Arabistonining «Flyadeal» loukoster aviakompaniyasiga tegishli bo‘lgan, keng fyuzelyajli «Airbus A330» samolyoti ilk bor Andijon zaminiga muvaffaqiyatli kelib qo‘ndi.
Tantanali kutib olish marosimida Andijon viloyati hokimi Shuhratbek Abdurahmonov ishtirok etib, yangi yo‘nalishning ilk yo‘lovchilari va ziyoratchilarni samimiy qutladi hamda ularga o‘z ezgu tilaklarini bildirdi. Mazkur reys orqali Saudiya Arabistonidan 358 nafar yo‘lovchi xavfsiz olib kelindi.
E’tiborli jihati, ushbu aviaqatnovlar doimiy asosda — har haftaning juma kunlari «Madina — Andijon — Madina» yo‘nalishi bo‘yicha muntazam ravishda amalga oshiriladi. Bu to‘g‘ridan to‘g‘ri qatnovlar Farg‘ona vodiysi aholisi, ayniqsa, muqaddas qadamjolarni ziyorat qilish istagida bo‘lgan fuqarolar uchun yuqori darajadagi qulayliklarni taqdim etadi.