Andijon vilоyati hоkimligi

Tadbirkor Fazliddin To‘xtarov tashabbusi bilan zamonaviy talablarga javob beradigan xususiy maktab va o‘quv markazi faoliyati yo‘lga qo‘yildi. Ingliz tilini chuqurlashtirib o‘qitishga ixtisoslashgan mazkur ta’lim muassasasi Koreya Respublikasining «Edulink Global» kompaniyasi bilan hamkorlikda tashkil etilgan bo‘lib, ta’lim jarayoniga xalqaro ilg‘or tajribalarni joriy etishga xizmat qiladi.

Loyihaning umumiy qiymati 2 milliard so‘mni tashkil etadi. Unga ko‘ra, o‘quv markazi 700 nafar tinglovchiga, xususiy maktab esa 400 nafar o‘quvchiga mo‘ljallangan.

Mazkur ta’lim muassasalarining ishga tushirilishi natijasida tumanda 32 ta yangi doimiy ish o‘rni yaratildi. Jumladan, o‘quv markazida 12 nafar, xususiy maktabda esa 20 nafar malakali pedagog va mutaxassisning doimiy bandligi ta’minlandi.