Andijon tumani mahallalarida infratuzilmani yaxshilash ishlari tizimli davom etmoqda
2026-07-01 10:30:00 / Yangiliklar
Andijon tumanida aholining turmush sharoitini yaxshilash, mahallalar infratuzilmasini zamon talablariga moslashtirish maqsadida keng ko‘lamli bunyodkorlik ishlari olib borilmoqda.
Xususan, «Yangi O‘zbekiston qiyofasidagi mahalla» dasturiga kiritilgan hamda ijtimoiy-iqtisodiy ahvoli bo‘yicha «og‘ir» toifada deb topilgan «Chilon», «Jevachi» va «Qurama» mahallalarida bu boradagi ishlar izchil tus olgan. Ayni paytda mazkur hududlardagi ichki ko‘chalarni asfaltlash hamda aholini toza ichimlik suvi bilan ta’minlash maqsadida yangi suv tarmoqlarini yotqizish loyihalari jadal amalga oshirilmoqda.
Shuningdek, belgilangan chora-tadbirlar rejasiga muvofiq, tumandagi boshqa mahalla fuqarolar yig‘inlarida ham yo‘l-transport va muhandislik-kommunikatsiya tarmoqlarini rivojlantirishga qaratilgan qurilish-ta’mirlash ishlari izchillik bilan davom ettirilmoqda.