Andijonda ulkan infratuzilmaviy loyiha: 5 mahallaning markaziy kanalizatsiya tizimi mutlaqo yangilanmoqda
2026-06-25 10:15:00 / Yangiliklar
Andijon viloyati hokimi Shuhratbek Abdurahmonov Andijon shahridagi «Sarvontepa», «Farobiy», «Mustaqillikning 21 yilligi», «Hamdo‘stlik» hamda «Uzumzor» mahalla fuqarolar yig‘inlari hududidan o‘tuvchi, umumiy uzunligi 8,6 kilometrni tashkil etuvchi kanalizatsiya tarmog‘ini tubdan yangilash bo‘yicha loyiha taqdimoti bilan yaqindan tanishdi.
Mazkur yirik loyihani puxta va sifatli amalga oshirish maqsadida 500 nafardan ziyod soha mutaxassislari jalb etilib, hududda to‘liq tekshiruv va nazorat tadbirlari o‘tkazildi. Muhandislik tahlillari natijasida soha ekspertlari tomonidan yagona va yakdil «qurilish loyihasi» ishlab chiqildi.
Hozirgi vaqtda ushbu keng ko‘lamli bunyodkorlik ishlariga 50 dan ortiq zamonaviy maxsus texnikalar safarbar etilgan bo‘lib, qurilish-montaj jarayonlari yuqori sur’atlarda olib borilmoqda. Ushbu loyihaning hayotga tatbiq etilishi mahallalar infratuzilmasini yaxshilash va aholining yashash sharoitlarini tubdan yuksaltirishga xizmat qiladi.