Andijon viloyatida Jahon chempionati bahsi umumxalq birdamligi va yuksak kayfiyatda kuzatilmoqda
2026-06-23 10:55:00 / Yangiliklar
Andijonlik minglab futbol ishqibozlari bugun milliy terma jamoamizning Jahon chempionatidagi bahsini katta hayajon bilan kuzatmoqdalar. Viloyatimizning har bir shahar va tumanlaridagi aholi gavjum maskanlarida o‘rnatilgan ulkan ekranlar atrofida haqiqiy bayram muhiti yuzaga keldi. Jumladan Xonobod shahrida mahalliy aholi va mehmonlar bir joyga to‘planib, Portugaliyaga qarshi maydonga tushgan futbolchilarimizga omad tilashmoqda. Mazkur tadbir nafaqat sportga bo‘lgan mehrni, balki yurtdoshlarimiz o‘rtasidagi hamjihatlikni ham yaqqol namoyish etdi.