“Qamchiq” dovonida togʻdan loy va tosh aralash sel suvlari tushishi kuzatildi
2026-05-22 16:10:00 / Ob-havo
Bugun, 22-may kuni soat 13:30 dan A-373 xalqaro avtomobil yoʻlining “Qamchiq” dovoni qismida kuchli yomgʻir yogʻishi natijasida togʻdan loy va tosh aralash sel suvlari tushishi kuzatilgan. Shu munosabat bilan avtomobil yoʻlining “Vodiy-Toshkent” yoʻnalishi avtomobillar harakati uchun vaqtincha yopilgan edi.
Ayni daqiqalarda FVV rahbarligida tegishli tashkilotlarning mutaxassislari tomonidan vaziyat oqibatlarini bartaraf etilib, avtomobillar harakati amalga oshirilmoqda.