«Andijon farm» erkin iqtisodiy zonasida yana bir yirik investitsion loyihaga start berildi
2026-03-21 14:25:00 / Yangiliklar
Bugun hududda tibbiy jihozlar ishlab chiqarishga ixtisoslashgan zamonaviy korxona qurilishiga tamal toshi qo‘yilib, muhim sanoat tashabbusiga asos solindi. Tadbirda viloyat hokimi Shuhratbek Abdurahmonov, nuroniylar, soha mutasaddilari hamda Turkiya Respublikasidan tashrif buyurgan nufuzli mehmonlar ishtirok etdi.
Qiymati 16 million AQSH dollariga teng bo‘lgan mazkur loyiha Turkiyaning “Brocenna” kompaniyasi tomonidan amalga oshirilmoqda. Yangi korxona eng so‘nggi texnologiyalar bilan jihozlanib, yiliga 1500 turdan ortiq zamonaviy tibbiy jihozlar ishlab chiqarish imkoniyatiga ega bo‘ladi.
Bu esa nafaqat import hajmini qisqartirish, balki mahalliy sanoatni yangi bosqichga olib chiqishga xizmat qiladi. Eng muhimi, korxona ishga tushgach, 400 nafar fuqaro doimiy ish o‘rni bilan ta’minlanadi.