Yoshlar bilan ochiq va samimiy muloqot
2026-02-26 14:30:00 / Yangiliklar
“Yoshlar kuni” munosabati bilan viloyat hokimi Shuhratbek Abdurahmonov Andijon shahridagi 4-son texnikumi yoshlari bilan ochiq muloqot o‘tkazdi.
Uchrashuv samimiy va qizg‘in ruhda kechdi. Yoshlar o‘z g‘oya va tashabbuslari, orzu-maqsadlari hamda takliflarini bemalol bayon qilish imkoniga ega bo‘ldilar. Viloyat rahbari esa har bir murojaatni diqqat bilan tinglab, yoshlarni qo‘llab-quvvatlash, ularning intilishlarini ro‘yobga chiqarish borasida zarur chora-tadbirlar belgilab berdi.
Mazkur muloqot yoshlarning faolligini oshirish, ularning fikri va tashabbuslariga e’tibor qaratilayotganining yana bir amaliy ifodasi bo‘ldi.