Bobur shahrida ming o‘rinli zamonaviy amfiteatr qurilishi jadal sur’atlarda olib borilmoqda
2026-02-23 11:30:00 / Yangiliklar
Xabaringiz bor, Bobur shahrida ming o‘rinli zamonaviy amfiteatr qurilishiga rasman start berilgan edi. Ayni paytda mazkur hududda qurilish va bunyodkorlik ishlari jadal sur’atlarda olib borilmoqda.
Loyiha doirasida amfiteatrni zamonaviy me’moriy talablar asosida barpo etish, muhandislik-kommunikatsiya tarmoqlari bilan to‘liq ta’minlash hamda tomoshabinlar uchun qulay infratuzilma yaratish ko‘zda tutilgan. Mazkur inshoot kelgusida ommaviy madaniy tadbirlar, konsert dasturlari, festivallar va turli anjumanlarni o‘tkazish uchun xizmat qilishi rejalashtirilgan.
Qurilish ishlari belgilangan muddatlarda, loyiha-smeta hujjatlari va sifat talablariga qat’iy rioya etilgan holda amalga oshirilishi doimiy nazoratga olingan. Amfiteatrning foydalanishga topshirilishi shaharning madaniy salohiyatini yanada oshirishga, aholi dam olishi va ma’naviy hordiq chiqarishi uchun yangi imkoniyatlar yaratishga xizmat qilishi kutilmoqda.