Turkiyalik investorlar Andijon shahrida amalga oshirilayotgan zamonaviy gastronomik ko‘cha loyihasi bilan tanishdi
2026-02-20 14:25:00 / Yangiliklar
Turkiyalik investorlar Andijon shahrining markazida bunyod etilayotgan 24/7 formatda faoliyat olib borishi kutilayotgan ko‘chada amalga oshirilayotgan bunyodkorlik va obodonlashtirish ishlari bilan yaqindan tanishdilar.
Ushbu gastronomik ko‘chada aholi va mehmonlar uchun zamonaviy va qulay shart-sharoitlar yaratishga qaratilgan loyihalar taqdim etildi.
Loyiha doirasida milliy va xorijiy taomlar taklif etuvchi umumiy ovqatlanish shoxobchalari, dam olish hududlari, zamonaviy yoritish tizimi hamda piyodalar uchun qulay infratuzilmani tashkil etish rejalashtirilgan.
Mazkur tashabbus shaharning sayyohlik salohiyatini oshirish, yangi ish o‘rinlari yaratish hamda xizmat ko‘rsatish sohasini yanada rivojlantirishga xizmat qilishi kutilmoqda.