Andijonda OTMlarda sun’iy intellekt laboratoriyalarini joriy etish bo‘yicha taqdimot o‘tkazildi
2025-12-12 15:05:00 / Yangiliklar
Andijonda O‘zbekiston Respublikasi Prezidentining PQ-189-son farmoni ijrosini ta’minlash doirasida oliy ta’lim muassasalarida sun’iy intellekt laboratoriyalarini tashkil etish masalalariga bag‘ishlangan uchrashuv va taqdimot bo‘lib o‘tdi. Tadbirda viloyatdagi OTMlar rektorlari ishtirok etdi.
Yig‘ilish davomida sun’iy intellekt texnologiyalarini turli sohalarga joriy etish imkoniyatlari yuzasidan batafsil ma’lumotlar berildi. Xususan, AI yechimlarining tibbiy tahlil va diagnostika jarayonlarini avtomatlashtirish, qishloq xo‘jaligida agrojarayonlarni optimallashtirish, til o‘qitishni individuallashtirish, sanoatda raqamlashtirish jarayonlarini kuchaytirish hamda ilmiy tadqiqotlarni tezlashtirishdagi o‘rni muhokama qilindi.
Mazkur tashabbus viloyat oliy ta’lim muassasalarida sun’iy intellekt laboratoriyalarini samarali tashkil etish, shuningdek, AI texnologiyalarini o‘quv-amaliy jarayonlarga integratsiya qilish yo‘lida muhim qadam bo‘lib xizmat qiladi.