Andijon vilоyati hоkimligi

Mamlakatimizda yurtdoshlarimiz, ayniqsa, yoshlarning ma’naviyati, dunyoqarashi hamda intellektual salohiyatini yuksaltirish, tariximiz, milliy qadriyatlarimizni ulug‘lash, kitobxonlik darajasi va madaniyatini oshirish borasida keng ko‘lamli ishlar olib borilmoqda.
Xususan, Prezidentimiz sovrini uchun bir necha yildan buyon an’anaviy tarzda o‘tkazilayotgan “Yosh kitobxon” tanlovi mazkur yo‘nalishdagi ishlarni yangi, yanada yuqori bosqichga ko‘tarishga xizmat qilmoqda.

Tanlovning dastlabki mahalla bosqichida Andijon viloyatining 879 mahallasidan yoshlar belgilangan 10-14, 15-19 hamda 20-30 yosh toifalari bo‘yicha kitobxonlik borasidagi bilimlarini sinovdan o‘tkazdi.

Mahalla bosqichi elektron test shaklida tashkil etilib, unda yosh kitobxonlar tanlovning adabiyotlar ro‘yxatidan o‘rin olgan kitoblar asosida tayyorlangan 25 ta test savollariga javob berdi. Prezident sovrini – elektromobil uchun ilk tashlangan qadamda eng yuqori ballni qo‘lga kiritgan kitobxonlar tanlovning navbatdagi bosqichiga yo‘llanma oldi.

Marhamat tumanidagi 48 ta mahallaning kitobxon yoshlari ham tanlovda faol ishtirok etdi. Jumladan, elektron test shaklida o‘tkazilgan tanlovda tumandagi Alitepa mahallasi yoshlari orasidan Jahongir Muhammadjalilov, Mohlaroy Azizova hamda Muhammaddiyor Yo‘ldoshaliyev o‘z yosh toifalarida eng yuqori ball olib, tanlovning keyingi bosqichiga yo‘l oldi.