AMUDARYO TUMANIDA YIRIK GRANT LOYIHASI ASOSIDA ZAMONAVIY IT MARKAZI TAŞKIL ETILADI
2026-11-19 17:30:00 / Yangiliklar

Qoraqalpoğiston Respublikasining 7 ta tumanida zamonaviy IT markazlarini barpo etiş, yoşlarning axborot texnologiyalari va raqamli könikmalar böyiça bilimlarini oşirişga qaratilgan yirik grant loyihasi doirasida Amudaryo tumanida ham muhim amaliy işlar olib borilmoqda.
Mazkur loyiha doirasida Koreya xalqaro hamkorlik agentligi (KOICA) ekspertlari Amudaryo tumaniga taşrif buyurib, yirik miqdordagi grant loyihasi asosida IT markazi qurilişi uçun ajratilgan yer maydonini örgandilar.
Taşrif davomida mutaxassislar tomonidan ajratilgan yer maydonining mavjud holati, hududning muhandislik-kommunikatsiya infratuzilmasi, quriliş işlarini taşkil etiş imkoniyatlari hamda loyiha talablariga muvofiqligi atrofliça közdan keçirildi.
Şuningdek, bölajak IT markazining hududiy joylaşuvi, yer maydonidan oqilona va samarali foydalaniş, zamonaviy ta’lim infratuzilmasini yaratiş hamda yoşlar uçun qulay öquv muhitini şakllantiriş masalalariga alohida e’tibor qaratildi.
Mazkur taşabbus Amudaryo tumanida raqamli ta’limni rivojlantiriş, yoşlarning zamonaviy kasblarni egallaşiga kömaklaşiş, ularning bandligini ta’minlaş hamda kelgusida xalqaro mehnat bozorida raqobatbardoş IT mutaxassislarini tayyorlaşga xizmat qiladi.









