Xalq deputatlari Amudaryo tumani Kengashining navbatdagi 23-sessiyasi bo‘lib o‘tdi
2026-08-25 16:55:00 / Yangiliklar
Amudaryo tumani hokimligi majlislar zalida Xalq deputatlari Amudaryo tumani Kengashining yettinchi chaqiriqdagi navbatdagi 23-sessiyasi bo‘lib o‘tdi.
Sessiyada tuman hokimi o‘rinbosarlari, tegishli tashkilot va idoralar rahbarlari, ekspert guruhi a’zolari, mahalla fuqarolar yig‘inlari raislari, xotin-qizlar faollari hamda ommaviy axborot vositalari vakillari ishtirok etdi.
Sessiya ishini Xalq deputatlari Amudaryo tumani Kengashi raisi Alisher Yo‘ldashev olib bordi. Yig‘ilish O‘zbekiston Respublikasi va Qoraqalpog‘iston Respublikasi davlat madhiyalari ijrosi bilan boshlandi.
Shundan so‘ng sessiya kotibligiga 18-Bobur saylov okrugidan deputat Gulbahor Raimova nomzodi deputatlar tomonidan bir ovozdan ma’qullandi.
Kun tartibidagi masalalar yuzasidan tuman hokimi o‘rinbosarlari hamda tegishli tashkilot va idoralar rahbarlarining hisobot va axborotlari tinglandi.
Muhokamalar davomida deputatlar tomonidan bildirilgan taklif va mulohazalar atroflicha ko‘rib chiqildi. Berilgan savollarga mas’ullar tomonidan batafsil javoblar berildi.
Sessiya yakunida kun tartibidagi barcha masalalar yuzasidan tegishli qarorlar qabul qilinib, ularning ijrosini ta’minlash bo‘yicha mas’ullarga zarur vazifalar belgilandi.