Bugun Amudaryo tumanida muhim infratuzilma loyihalariga bag‘ishlangan press-tur bo‘lib o‘tdi. Unda “Qoraqalpoq suv ta’minoti” AJ hamda tuman hokimligi hamkorligida ommaviy axborot vositalari vakillari ishtirok etdi.

Press-tur davomida jurnalistlar “Mang‘it suv tozalash inshooti” qurilish jarayonlari bilan yaqindan tanishdi. Shuningdek, hududlarda yangi ichimlik suv tarmoqlarini tortish ishlari qanday olib borilayotgani ham ko‘zdan kechirildi.

Mazkur loyiha:

 qiymati — 12,99 million AQSh dollari
 quvvati — kuniga 40 000 m³ ichimlik suvini tozalash
hozirgi holati — qurilish ishlari yakunlanish arafasida

 Loyiha to‘liq ishga tushirilgach, Amudaryo tumani aholisining markazlashgan ichimlik suvi bilan ta’minlanish darajasi 80 foizga yetkazilishi rejalashtirilgan.

Bu kabi yirik loyihalar hudud aholisi uchun yanada qulay va sifatli hayot sharoitlarini yaratishga xizmat qiladi.  

Press-tur doirasida ishtirokchilar hududlarda amalga oshirilayotgan yirik infratuzilma loyihalari bilan yaqindan tanishdi. Jumladan, ular “Archico Engineering Company” (Ozarbayjon) tomonidan olib borilayotgan yangi ichimlik suv tarmoqlarini tortish jarayonlari bilan ham tanishdi.

Mazkur loyiha:

umumiy qiymati — 29,04 million AQSh dollari

loyiha doirasida — 3 ta suv taqsimlash inshootini qurish va rekonstruksiya qilish
jami — 354 km ichimlik suv tarmoqlarini tortish rejalashtirilgan

Ayni paytda “RU-1”, “Kuyuk ko‘pir” va “Qilichboy” suv taqsimlash inshootlarida qurilish-montaj ishlari jadal sur’atlarda davom etmoqda.

 Bugungi kunga qadar:

319 km suv tarmoqlari tortildi
 aholini sifatli ichimlik suvi bilan ta’minlash yo‘lida muhim natijalarga erishildi

 Mazkur loyihalar to‘liq yakunlangach, Amudaryo tumani aholisining ichimlik suvi bilan ta’minlanish darajasi sezilarli darajada oshib, hududda yashash sharoitlari yanada yaxshilanadi.