Amudaryoda sog‘lom turmush va OITS profilaktikasiga bag‘ishlangan muhim uchrashuv o‘tkazildi
2026-04-20 11:20:00 / Yangiliklar
Amudaryo tumanida aholi salomatligini mustahkamlash, ayniqsa xotin-qizlar o‘rtasida tibbiy madaniyatni yuksaltirish hamda OITS kasalligining oldini olishga qaratilgan muhim uchrashuv bo‘lib o‘tdi.
Unda Respublika OITSga qarshi kurashish markazi mutaxassislari, tuman mas’ullari hamda xotin-qizlar faollari ishtirok etib, mahallalarda targ‘ibot ishlarini yanada samarali tashkil etish masalalari muhokama qilindi.
Yig‘ilish davomida:
OITS kasalligining oldini olish
Aholining, ayniqsa yoshlar va xotin-qizlarning xabardorligini oshirish
Sog‘lom turmush tarzini keng targ‘ib qilish
bo‘yicha muhim tavsiyalar berildi.
Yig‘ilish yakunida:
— mahallalarda tizimli targ‘ibot ishlarini yo‘lga qo‘yish
— aholining tibbiy savodxonligini oshirish
— sog‘lom avlodni tarbiyalash borasida hamkorlikni kuchaytirish
bo‘yicha aniq vazifalar belgilab olindi.