Yoshlar kuni doirasida “Mirzo Ulug‘bek vorislari” respublika tanlovining Amudaryo tuman bosqichi bo'lib o'tdi
2026-03-12 18:30:00 / Yangiliklar
O‘zbekiston Respublikasi Vazirlar Mahkamasining 30-sonli qaroriga asosan mamlakat bo‘ylab o‘tkazib kelinayotgan “Mirzo Ulug‘bek vorislari” respublika tanlovining Amudaryo tuman bosqichi joriy yilning 12-mart kuni Amudaryo tumani IT markazida o‘tkazildi.
Tanlovda jami 144 nafar yosh ro‘yxatdan o‘tgan bo‘lib, ulardan 67 nafari IQ test natijalariga ko‘ra 110 balldan yuqori natijaga erishdi. Shundan 18 nafar ishtirokchi o‘zlarining g‘oya va loyiha taqdimotlari bilan qatnashdi.
Tadbirda tuman hokimi Sobir Xo‘jametov, hokim o‘rinbosari Nodirbek Kamolov hamda hokim o‘rinbosari, Oila va xotin-qizlar bo‘limi boshlig‘i Go‘zal Saburova ishtirok etdi. Ular har bir loyiha bo‘yicha o‘z takliflari va fikr-mulohazalarini bildirib o‘tdilar.
“Mirzo Ulug‘bek vorislari” respublika tanlovining Amudaryo tuman bosqichi yakunida aniqlangan 5 nafar g‘olib sertifikat hamda bazaviy hisoblash miqdorining 5 barobari miqdorida bir martalik pul mukofoti bilan taqdirlanadi.