Zamonaviy maktab — islohotlar samarasi va kelajak bunyodkorlari uchun mustahkam poydevor
2026-02-27 16:55:00 / Yangiliklar
Bugun yurtimizda ta’lim sohasiga qaratilayotgan yuksak ye’tibor o‘zining amaliy natijalarini bermoqda. Hududlarda zamonaviy maktab va maktabgacha ta’lim muassasalarining bunyod yetilishi, mavjud binolarning kapital ta’mirlanishi va jihozlanishi — bularning barchasi kelajak avlod kamoloti yo‘lida amalga oshirilayotgan keng ko‘lamli islohotlarning yorqin ifodasidir.
Amudaryo tumani Maktabgacha va maktab ta’limi bo‘limiga qarashli, “Bo‘zyop” OFY hududida joylashgan 68-sonli umumiy o‘rta ta’lim maktabida ana shunday bunyodkorlik ishlari amalga oshirildi. Pudratchi “QIZKЕTKЕN MAXSUS QURILIS'H” MCHJ tomonidan qiymati 5 mlrd 950 mln so‘mlik loyiha asosida 330 o‘quvchi o‘rniga mo‘ljallangan qo‘shimcha o‘quv binosi hamda 12×24 o‘lchamdagi zamonaviy sport zal binosi qurilib, foydalanishga topshirildi.
Ochilish marosimida Oliy Majlis Qonunchilik palatasi deputat Sapargul Utemuratova, tuman hokimi o‘rinbosari Nodirbek Kamolov, mahalla faollari hamda maktab jamoasi ishtirok yetdi.
Tadbir davomida mas’ullar va mahalla faollari so‘zga chiqib, barchani yangi binoning ochilishi bilan samimiy tabrikladilar. Ta’kidlanganidek, aynan shunday zamonaviy loyihalar asosida barpo yetilayotgan maktab va bog‘cha binolari davlatimiz rahbari tomonidan ta’lim sohasida olib borilayotgan mislsiz islohotlarning yaqqol samarasidir.
Yangi o‘quv binosi 3 qavatdan iborat bo‘lib, barcha zamonaviy talablarga to‘liq javob beradi. Maktab binosiga maxsus lift o‘rnatilib, inklyuziv ta’lim talablari asosida zarur shart-sharoitlar yaratildi. Bu imkoniyati cheklangan o‘quvchilarning ham teng va qulay sharoitda ta’lim olishini ta’minlaydi.
Bino isitish tizimi zamonaviy chiller–fankoil uskunalari asosida tashkil yetilgan bo‘lib, xonalarda yil davomida me’yoriy haroratni saqlash imkonini beradi. Isitish radiatorlari termostatik harorat sozlagichlari bilan jihozlangan, har bir xonada haroratni alohida tartibga solish imkoniyati mavjud. Bu yesa yenergiya tejamkorligini ta’minlash bilan birga, o‘quvchilar va pedagog xodimlar uchun yanada qulay muhit yaratadi.
Hozirgi kunda maktabda 227 nafar o‘quvchi ta’lim-tarbiya olmoqda. Ularga 27 nafar malakali pedagog saboq bermoqda. Yangi 330 o‘rinli qo‘shimcha bino mavjud quvvatni sezilarli darajada kengaytirib, ta’lim sifatini oshirishga xizmat qiladi.
Maktabda yaratilgan zamonaviy shart-sharoitlar yosh avlodning sifatli ta’lim olishi, jismonan sog‘lom va har tomonlama barkamol bo‘lib voyaga yetishi uchun yaratilgan mustahkam poydevordir.
Xulosa qilib aytganda, bugun barpo yetilayotgan har bir yangi maktab — bu oddiy bino yemas, balki kelajak sari qo‘yilgan dadil qadamdir. Ta’lim sohasidagi bunday keng ko‘lamli bunyodkorlik ishlari yosh avlod uchun mustahkam poydevor yaratib, Yangi O‘zbekiston taraqqiyotiga xizmat qilmoqda.
Charos Arslonova, tuman hokimligining Axborot xizmati rahbari.