Ozoda Boltaboyeva — Amudaryo tumanining haqiqiy faxri
2025-12-12 15:25:00 / Yangiliklar
Amudaryo tumani Qoramon mahallasida yashovchi imkoniyati cheklangan sportchi Ozoda Boltaboyeva Dubay shahrida boʻlib oʻtgan Para Osiyo musobaqalarida og‘ir atletika yo‘nalishi boʻyicha faxrli 2-o‘rinni egallab, yurtimiz bayrog‘ini yuksaklarga ko‘tardi. U munosib natija bilan kumush medal sohibi bo‘lib, nafaqat o‘z jamoasi, balki butun Amudaryo tumani faxriga aylandi.
Ozoda Boltaboyevaning bu yutug‘i — tinimsiz mehnat, matonat va irodaga to‘la mashg‘ulotlarning amaldagi samarasidir. Sportchimizning g‘alabasi imkoniyati cheklangan bo‘lsa-da, ulkan marralarni egallash mumkinligini yana bir bor isbotladi.