Qoraqalpog'iston Respublikasi Amudaryo tumani hokimligi

Joriy yilning 25-noyabr kuni Amudaryo tumani hokimligining majlislar zalida Yettinchi chaqiriq Xalq deputatlari Amudaryo tuman Kengashining navbatdagi 15-sessiyasi bo‘lib o‘tdi. 
    Sessiya majlisida deputatlar, tuman hokim o‘rinbosarlari, hokimlik mas’ul xodimlari, bo‘limlar, tashkilotlar rahbarlari hamda ommaviy axborot vositalari vakillari ishtirok etdi. Sessiyani Xalq deputatlari tuman Kengashi Raisi o‘rinbosari 3-Do‘stlik saylov okrugidan deputat Madamin Kazakov olib bordi. Sessiya kotibligiga “18-Zahiriddin Muhammad Bobur” saylov okrugidan deputat Gulbahor Raimovani tayinlash to‘g‘risidagi taklif deputatlar tomonidan ma’qullandi. 
    Sessiya majlisi kun tartibidagi Mahalliy budjetning ijrosi to‘g‘risidagi hisobotni ko‘rib chiqish hamda tasdiqlash to‘g‘risidagi, Amudaryo tumanining 2026-yilgi mahalliy budjetini tasdiqlash to‘g‘risida, tuman hokimining birinchi o‘rinbosarining mablag‘ ajratish taklifi to‘g‘risidagi, “Infratuzilma va ijtimoiy barqarorlik” jamg‘armasidan mablag‘ ajratish to‘grisidagi to‘grisidagi masalalar yuzasidan tuman Iqtisodiyot va moliya bo‘limi boshlig‘ining birinchi o‘rinbosari Jahongir Yo‘ldashov hisobotlarni o‘qib eshittirdi. 
    Hisobotlarda keltirilishicha, 2025-yil 9 oyi davomida Amudaryo tumani maxalliy budjetning daromadlar rejasi jami 92 381 325,0 ming so‘m qilib belgilangan bo‘lib, ushbu reja jami 96 637 800,8 ming so‘mga ya’ni 4 256 275,8 ming so‘mga 104,6% foizga ortig‘i bilan bajarilgan. Tuman maxalliy budjetidan hisobot davri davomida jami 131 971 149,5 ming so‘mlik mablag‘lar sarflangan. 
    Shuningdek, 2026-yil uchun Amudaryo tumani mahalliy budjetning daromadlari 151 502 744.0 ming so‘m, mahalliy budjeti xarajatlari 151 502 744.0 ming so‘m miqdorida prognoz qilinmoqda. 
    Shu bilan birga hisobotlarda “Infratuzilma va ijtimoiy barqarorlik” jamg‘armasidan “Gurlan” shox ko‘chasini ijtimoiy ko‘chaga aylantirish maqsadida ya’ni piyodalar yo‘lakchasini ta’mirlash uchun 1 mlrd so‘m va ijtimoiy xodimlar faoliyati uchun zarur bo‘lgan invertarlar xarid qilishi uchun 490 mln so‘m mablag‘ ajratish taklifi ilgari surildi. 
    Sessiya kun tartibidagi navbatdagi masala O‘zbekiston Mahalla uyushmasi Amudaryo tuman bo‘linmasi rahbarining Mahallaning ijtimoiy-iqtisodiy muammolarini hal etish jamg‘armasi daromadlari va xarajatlari ijrosi yuzasidan hisoboti tinglandi. 
Mahallalar uyushmasi tuman bo‘limi rahbari Alisher Yuldashev o‘z hisobotida keltirilishicha, joriy yilning mart oyida O‘zbekiston mahallalari uyushmasi tuman bo‘limi va fuqarolar yig‘inlari bilan birgalikda "Yashil makon" umummilliy harakati doirasida jami 120 mingdan ortiq ko‘chat ekilgan. Uyushma tomonidan "Qipchoq o‘rmon xo‘jaligi"dan shartnoma asosida 86 mln so‘m mablag‘ evaziga 15 ming ko‘chat sotib olingan. 
    Fuqarolar yig‘ini moddiy-texnik bazasini mustahkamlash uchun 119 mln so‘mlik 24 ta kompyuter texnikasi, 63 mln so‘mlik 21 ta printer, 240 mln so‘mlik 38 ta konditsioner berilgan. Barcha mahallalar binolarining kadastr hujjatlari ishlanib, buning uchun 93 mln so‘m sarflangan. Shuningdek, joriy yilning 9 oyi davomida mahallalardagi ijtimoiy himoyaga muhtoj 298 nafar fuqarolar uchun jami 481 mln so‘mlik moddiy yordam ko‘rsatilgan. Fuqarolar yig‘inlariga mebel jihozlari harid qilish uchun 111 mln so‘m sarflangan. 
    Shuningdek, “Qangli” OFY binosi 21 mln so‘m mablag‘ evaziga joriy ta’mirlash ishlari olib borilgan. 2025-yilda tumanimiz mahallalarida xavfsiz muhitni yaratish va huquqbuzarliklarning barvaqt oldini olish tizimi samaradorligini yanada oshirish bo‘yicha har bir mahallani, har bir ko‘chani "xavfsiz hudud"ga aylantirish maqsadida 14 mahallaga 29 ta kuzatuv kameralari qo‘yilgan. Mazkur tadbirga 334 mln so‘m mablag‘ sarflangan. 
    Sessiya majlisi kun tartibidagi O‘zbekiston Respublikasining “Davlat hokimiyati boshqaruvi organlarining ochiqligi to‘g‘risida”gi Qonunining tumandagi ijrosi haqida tuman hokimligi Axborot xizmati rahbari, tuman hokimining matbuot kotibi Charos Arslonova axborot berdi. 
     Amudaryo tumani hokimligi Axborot xizmati 2019-yilda tashkil etilgan bo‘lib, hozirga qadar tumanda ochiqlik siyosatini amalda ta’minlash, jamoatchilikni o‘z vaqtida, ishonchli va haqqoniy axborot bilan ta’minlash yo‘nalishida tizimli ishlar amalga oshirilgan.
     Axborot xizmati tomonidan foto, matnli va video kontentlarning doimiy      ravishda tayyorlanishi natijasida tuman hokimligining rasmiy axborot manbalariga qiziqish ortib bormoqda. Rasmiy platformalarga kunlik, haftalik va oylik yangiliklar, ijtimoiy, iqtisodiy, infratuzilma va islohotlarga oid videoroliklar, fotoreportajlar, analitik ma’lumotlar muntazam joylab boriladi. Joriy yilning shu davriga qadar tasdiqlangan media reja asosida 67 ta media tadbirlar o‘tkazilgan. Mahalliy va respublika miqyosidagi OAvlar bilan muntazam hamkorlik yo‘lga qo‘yilgan bo‘lib, respublika OAVda, saytlarda 60 martadan ortiq chiqishlar ta’minlangan. 150 tadan ortiq videoroliklar tayyorlanib, ijtimoiy tarmoqlardagi rasmiy sahifalarga joylangan. Ular orasida qurilish-obodonlashtirish jarayonlari, sayyor qabullar, uchrashuvlar, jamoatchilik fikri, mahallalardagi islohotlar, tadbirlar yoritilgan. 6247-sonli Prezident farmoni, 3299-sonli Prezident farmonlari talablari asosida ochiqlik bo‘limlari har chorakda yangilanib borilmoqda. 
     Sessiya kun tartibiga kiritilgan barcha masalalar hisobot va axborotlar atroflicha muhokama qilinib, fikr-mulohazalar bildirildi va tegishli qarorlar qabul qilindi. Shu bilan Xalq deputatlari tuman kengashining 15-sessiyasi o‘z ishini yakunladi.

Charos Arslonova, tuman hokimligining Axborot xizmati rahbari.